اسلام آباد۔25مارچ(اے پی پی)وزیر خارجہ شاہ محمود قریشی پیپلز پارٹی اتے مسلم لیگ (ن) سودھا اپوزیشن جماعتاں کوں آکھیے جو او جنوبی پنجاب صوبے سانڳے ݙتے ڳئے آئینی ترمیمی بل دی حمایت کرن، صوبہ ٻݨاوݨ کیتے اساں ٻنھاں آلی کار ہنڄو نئیں وہائے، عمل کر تے ݙکھائے، وزیراعظم دے خلاف حزب اختلاف دی عدم اعتماد دی تحریک ناکام تھیسی۔ اے ڳالھ انہاں صحافیاں نال الیندے آکھی۔ انہاں آکھیے جو اے آئینی ترمیمی بل وزیراعظم دی ہدایت تے پیش کیتے۔ وزیراعظم ایندی منظوری ݙتی اتے بعد اچ اے بل وفاقی کابینہ توں وی ??نظور تھئے کیوں جو جنوبی پنجاب صوبہ پاکستان تحریک انصاف دا انتخابی منشور اے، 28 مارچ کوں ق??می اسمبلی اچ جنوبی پنجاب صوبے دا آئینی ترمیمی بل پیش کیتا ویسی ڄیڑھا جنوبی پنجاب دے 3 چار کروڑ لوکاں کیتے چنڳی ڳالھ اے، اساں جنوبی پنجاب صوبہ کیتے قواعد و ضوابط دے تحت جنوبی پنجاب سیکرٹریٹ ٻݨائے، ایندے فنڈز رکھین، اساں جنوبی پنجاب دے عوام نال کیتا وعدہ پورا کر ݙتے۔ انہاں آکھیے جیکر واقعی یوسف رضا گیلانی صوبہ چاہندن تاں ایں بل کوں ووٹ ݙیون اتے ساݙا ہتھ ونݙاون۔ شاہ محمودقریشی آکھیا جو پاکستان تحریک انصاف پہلی حکوم?? اے ڄئیں جنوبی پنجاب صوبے کیتے سنجیدہ کم کیتے، تاری?? اچ پہلی واری جنوبی پنجاب کیتے انڄھ سالانہ ترقیاتی پ??وگرام پیش کیتے، ایندے نال لوک مطمئن تھیسن اتے وفاق وی ??یا مضبوط تھیسی اتے چھوٹی اکائیاں دی محرومیاں مکسن۔ انہاں جنوبی پنجاب دے عوام کوں اپیل کیتی جو او اپݨے ارکان ق??می اسمبلی کوں اپݨے ٻالاں دے سڄاکے مستقبل کیتے بل دی حمایت کرن۔
اپوزیشن جماعتاں جنوبی پنجاب صوبے سانڳے آئینی ترمیمی بل دی حمایت کرن، عدم اعتماد دی تحریک ناکام تہیسی، وزیر خارجہ شاہ محمود قریشی دی صحافیاں نال ڳالھ مہاڑ
مضمون کا ماخذ : بہت سے نتائج
متعلقہ مضامین
