اسلام آباد۔6مئی(اے پی پی) د بهرنيو چارو وزير بلاول بھټو زرداري په بلنه د چين سټېټ كونسلر د بهرنيو چارو وزير چن ګا ګانګ د مې له 5مې نېټې څخه تر 6 مې نېټې د پاكستان اولنۍ سركاري دوره وكړه۔ د پاکستان او چین د بهرنیو چارو وزیرانو د خالي په ورځ په اسلام اباد کښې د بهرنیو چارو د وزیرانو په کچه د پاکستان او چین د ستراتیژیکو خبرو څلورم پړاو په ګډه مشري وکړه۔ د پاکستان او چین د بهرنیو چارو وزیرانو له ستراتیژیکو خبرو اترو وروسته په خپره شوې ګډه اعلامیه کښې ووئيل چې چې په دې خبرو کښې د سیاسي، ستراتیژیکو، اقتصادي، دفاعي امنیتي، تعلیمي او کلتوري برخو په ګډون د دوه اړخیزو اړیکو او همکارۍ ټول دائره كار جاج واخستے شو۔ د شريكې خوښې په چارو او سيمه ايزو او نړيوالو چارو هم د خيالاتو څرګندونه وشوه۔ دوئي د چين اولس او د نوې مشرتابه له د يو مضبوط ٬ سوكاله او نوي سوشلسټ هېواد جوړولو كښې كاميابۍ لپاره د نېكو هيلو څرګندونه وكړه۔ ده پاك چين اړيكې مستحكمولو له اسټېټ کونسلر چِن ګانګ سره په ګډه د كار كولو عزم تكرار كړو۔ دواړو خارجه وزيرانو د پاکستان او چین ترمينځه د اعلی كچې تبادلو په زياتېدونكي رفتار د اطمينان څرګندونه كولو سره په مهمو دوه اړخيزه څانګو كښې د خبرو په حاجت زور راوړو۔ دواړو اړخونو د يو بل بنيادي قومي ګټو سره په اړوندو چارو د يو بل د مستقل ملاتړ په كولو اتفاق وكړو۔ چين د پاکستان د خپلواكۍ او سالميت سره سره د دې اتحاد ٬ استحكام او اقتصادي سوكالۍ له خپل ټينګ ملاتړ يو ځل بيا تکرار کړو۔ پاکستان د ون چائنا پالېسۍ سره سره د تايوان، سنكيانګ ٬ تبت ٬ هانګ كانګ او د بحېره جنوبي چين په شمول د قومي ګټو په ټولو بنيادي مسئلو د چين د بشپړ ملاتړ پخلے وكړو۔ دوی د کرنې، ساینس او ټیکنالوژۍ، آی ټي او د تجدید وړ انرژی په شمول د همکارۍ کلیدي برخو کښې د کراچۍ سرکلر رېلوے ته په فعاله توګه د ودې په ورکولو موافقه وکړه۔ دواړو اړخونو په ګوادر كښې د فرېنډ شپ روغتون او د نیو ګوادر انټرنېشنل ایئرپورټ(اېن جی آئی اے) په شمول په بېلو منصوبو د پېش رفت جاج واخست۔ دواړو د دې خبرې پخلې وكړو چې سي پېك د همكارۍ يو پلېټ فارم دے ٬ دوئي درېم فريق ته سي پېك څخه د استفادې كولو بلنه وركړه۔ پاكستاني اړخ د چين لخوا په اقتصادي او مالي مرسته او په خاص توګه د سېلاب څخه وروستو د تعمير او بحالۍ په كارونو كښې د مرستې په بشپره پېكج رالېږلو د چين مننه وكړه۔ په شريك بيان كښې دواړو د ترهګرۍ ټولو صورتونو مخنيوي له د خپل ټينګ عزم تكرار كړو۔ چين د ترهګرۍ او انتها خوښۍ په ضد جنګ كښې د پاكستان د هڅو اوقربانيو اعتراف كولو سره په پاکستان كښې د چيني منصوبو ٬ اهلكارو او ادارو تحفظ سره سره په داسو ٬ كراچۍ او نورو ځايونو كښې په بريدونو كښې د چينائي وګړو په نخښه كوؤنكو مجرمانو ګرفتارولو او دوئي انصاف سره مخ كولو له د پورته كړې ګامونو ستائنه وكړه۔ دواړو اړخونو د امنيت او د ترهګرۍ مخنيوي په څانګو كښې همكارۍ ته د ودې په وركولو اتفاق وكړو۔ پاكستان د چين لخوا د تجویز كړې شوي نړيوال تهذيبي اقدام خوشبينه وګرځولو۔ د مشتركه بيان له مخې دواړو اړخونو په سوئيلي آسيا كښې د امن او استحكام په ځايې ساتلو له له د ټولو تصفيه طلب مسئلو حل كولو په حاجت زور راوړو۔ د خبرو اترو په مهال پاكستان چينائي پلاوي د جموں وكشمير تازه صورتحال څخه خبر كړو۔ چين د دې خبرې پخلې وكړو چې د هند او پاكستان ترمينځه كشمير په تاريخ كښې يوه تصفيه طلب مسئله ده او دا بايد د ملګرو ملتونو د چارټر ٬ د سلامي كونسل د قراردادونو او د دوه اړخيز لوظنامو له مخې په مناسب او سولييز توګه حل كړې شي۔ په بيان كښې وئيلې شوي چې افغانستان كښې امن د سيمې سوكالۍ او امن لپاره ضروري دے۔ پاكستان او چين په ټول سټېك هولډرز زور راوړو چې هغه دې يو سوليز ٬ سوكالۍ او يو موټې افغانستان لپاره په ګډه كار وكړي كوم چې د ترهګرۍ مقابله وكړې شي۔ پاکستان او چین د نړيوالې ورورولۍ لخوا افغانستان سره د پرله پسې مرستې په حاجت زور راوړو په دې كشې په بهر هېوادونو كښې د افغانستان د اثاثو غېر منجمد كېدل هم شامل دي۔ د چين سټېټ كونسل او خارجه وزير په غوره مېلمستيا كولو د پاكستان خارجه وزير مننه وكړه۔
د پاك چين خارجه وزيرانو د ستراتيجيكي ډائيلاګ څلورم پړاؤ٬ د سیاسي، ستراتیژیکي، اقتصادي، دفاعي امنیتي، تعلیمي او کلتوري برخو په ګډون د دوه اړخیزو اړیکو او همکارۍ ټول دائره كار جاج واخستے شو۔ د ګډې بيان
مضمون کا ماخذ : گرم گرم
متعلقہ مضامین
