اسلام آباد۔28دسمبر (اے پی پی) وفاقي کابينې په بېلا بېلو سيمو کښې د ترهه ګرۍ پېښو غندنه كولو سره د دې عزم پخلے كړے چې په هيواد کښې د امن او امان په وضعيت به هېڅ قسمه سودا ونه كړې شي او د ترهګرۍ نوغې به ويستلے شي٬ وزيراعظم شهباز شريف د ايندھن په درآمدي بل كښې كمي لپاره د توان په بچت پلان عملدرآمد او د متبادل توان كارول ضروري ګرځولو سره په سركاري دفترونو كښې د برېښنا مصرف تر 30 فيصده كمولو له كمېټي جوړه كړې۔ د وفاقي كابينې غونډه د شورؤ په ورځ د وزيراعظم شهباز شريف په مشرۍ كښې په وزيراعظم هاؤس كښې وشوه۔ وفاقي کابينې د پنجاب حکومت لخوا په 53 كلنه پخوانۍ مقدمه كښې د پارليماني غړي چوهدري اشرف په نيولو د افسوس څرګندونه كولو سره د دې پېښې سخته غندنه كړې ۔ وفاقي كابينې د هېواد په بېلا بېلو سيمو كښې د ترهه ګرۍ په پېښو كښې د شهيدو شوو كسانو لپاره فاتحه خواني وكړه او د دې پېښو په سختو ټكو غندنه كولو سره يې د دې عزم څرګندونه وكړه چې په هېواد كښې به د امن او امان په وضعيت كومه سودا ونه كړې شي او د ترهګرۍ نوغې به ويستلے شي۔ وفاقي کابينې د ترهه ګرۍ په ضد د امنيتي ځواكونو پرله پسې مبارزه ستائلې ٬ وفاقي كابينې د پاور ډويژن لخوا په وړاندې كړي “انرجي سيونګ پلان” بحث هم وكړو۔ غونډې ته په دې اړه سټېك هولډرز سره په شوي مشاورت بريفنګ وركړے شو۔ وزيراعظم ووئيل د صوبايي ، آزاد جمو او كشمير او د ګلګت بلتستان حكومتونو پشمول ټولو همكارانو سره دې مشاورت عمل زر تر زره بشپړ كړے شي دغسې چې په “انرجي سېونګ پلان ” عمل درآمد باوري شي۔ ده ووئيل د يو ملت په حېث به له مونږ د توان په لړ كښې كفايت شعاري كول وي او دې لپاره به مونږ له خپل عادتونه بدلول وي۔ وزيراعظم ووئيل د ايندھن په مد كښې درآمدي بل كښې كمي لپاره د توان په بچت پلان عملدرآمد او د متبادل توان كارول ضروري دي۔ وزيراعظم د توان وفاقي وزير ته په پاكستان كښې د ونډ پاور استعداد په اړه د يو بشپړ راپور د كابينې غونډې ته د وړاندې كولو هدايت هم وكړو۔ وزيراعظم په سركاري دفترونو كښې د برېښنا كھپت تر 30 فيصده كمولو په لړ كښې د يوې كمېټۍ جوړولو هدايت هم وكړو په كومه كښې به چې د توان وفاقي وزير ٬ د منصوبه بندۍ وفاقي وزير ٬ د پټروليم وفاقي وزير ٬ د پټرويم او قدرتي وسيلو وزير او اړوند سېكتران شامل وي۔ غونډې ته ووئيل شول د اطلاعات او خپرونو وزارت او د نېشنل انرجي اېفېشنسي اېنډ کنزروېشن اتھارټي لخوا د انرجي بچت او كفايت شعارۍ په اړه د خبرتيا يو كمپائن جوړ كړے شوے۔ كابينې ته ووئيل شول په هېواد كښې په پټرول چلېدونكي بايسكلونه به په دمه دمه په بریښنایی اړولې شي۔ كابينې ته ووئيل شول دا مهال په هېواد كښې 90 كمپنۍ موټر سائيكلز او آټو ركشې جوړوي او هېواد د كال 6 ملينه موټر سائيكل جوړولو صلاحيت لري۔ غونډې ته ووئيل شول 22 كمپنو ته په پاكستان كښې د اليكټرك بايسكل جوړولو لائسنس وركړے شوے ۔ غونډې ته ووئيل شول په پاکستان کښې د الېکټرېک بايسکلونو جوړېدو سره به د تېلو ډېره برخه بچ كړې شي۔ وفاقي كابينې د سويابين په اړه د كابينې كمېټۍ د رپورټ حتمي منظوري او د ګورنمنټ ټو ګورنمنټ کمرشل ټرانزیکشن اېکټ 2022 منظوری هم وركړې۔ وفاقی کابینې د پټرولیم ډویژن په سپارښتنه تاج فیلډ (میر پور خاص بلاک) ته تجارتي حېيثت لپاره په 14.11 سکوئر کلومیټر د ایریا په کمرشل بنیادونو د ډېکلئیر كولو او د دې بلاك یونائیټډ انرجی پاکستان لمېټډ (یو ای پی اېل) ته 5 كلونو لپاره په پرمختيائي او پېداوري ليز د وركولو منظوري وركړې ۔ دغسې وفاقی کابینې د اقتصادي رابطه كمېټۍ د روانې مياشتې به 21 مه او د تېرې مياشتې په 15 مه نېټه د شوو غونډو د پرېكړو توثيق هم وكړو۔
وفاقي كابينې د ترهګرۍ پېښو غندنه وكړه ٬ د وزيراعظم د توان بچت پلان عملي كولو او د الېكټرك بائيكس په اړه پلان اي سي سي ته د وړاندې كولو امر
مضمون کا ماخذ : پھل اور سات
متعلقہ مضامین
