اسلام آباد۔28نومبر(اے پی پی) وزیر اعظم محمد شہبازشریف آکھیے اسلام آباد ??ے لشکر کشی کرݨ آلے شرپسند ٹولے دے خلاف وختی قانونی چارہ جوئی کیتی ونڄے ایں حوالے نال استغاثہ دے نظام اچ مزید بہتری گھن آئی ونڄے،انتشاری ٹولے اچ شرپسند عناصر دی وختی شناخت کرتے انھاں کوں قرار واقعی سزا ݙیوائی ونڄے ،اسلام آباد یا ملک دے کہیں وی شہر تے ذاتی مقاصد گھنݨ سانڳے لشکر کشی روکݨ سانڳے جامع حکمت عملی بݨائی ونڄے ۔ وزیراعظم آفس دے میڈیا ونگ توں جاری پریس ریلیز موجب وزیراعظم محمد شہباز شریف دی صدارت اچ امن و امان دی صورتحال تے جائزہ اجلاس تھئے۔اجلاس اچ وزیراعظم کوں گزریل ݙینھاں ملک اچ دھرنے دی صورت اچ احتجاج کرݨ آلیں دی طرفوں سرکاری املاک اتے پولیس و رینجرز دے اہلکاراں تے حملے تے بریفنگ ݙتی ڳئی ۔ ایں موقع تے وزیراعظم آکھیے ملک اچ تاریخی کرپشن اتے اپݨی حکومت بچاوݨ سانڳے ایں کوں دیوالیہ کرݨ آلیں دی مذموم سازشاں رچاوݨ آلے قانون دی وٹھ اچ آئن ،قانونی رستہ اپناوݨ دی بجائے کئی واری اسلام آباد ??ے پاسے لشکر کشی کرتے ملک اچ انتشار دی فضاء کھنڈاوݨ دی کوشش کیتی ڳئی ۔ وزیراعظم آکھیے انتشاری ٹولے دی لشکر کشی دے دوران سکیورٹی فورسز دے اہلکاراں کوں زخمی تے شہید کیتا ڳئے ۔ وزیراعظم سوال کیتے جو اے کیویں انقلابی ہن جیڑھے ایں ملک دی تباہی اتے انتشار کھنڈاوݨ دی مذموم کوشش کریندے پئن ۔وزیر اعظم آکھیے اسلام آباد ??ے لشکر کشی کرݨ آلے شرپسند ٹولے دے خلاف وختی قانونی چارہ جوئی کیتی ونڄے ،ایں حوالے نال استغاثہ دے نظام اچ مزید بہتری گھن آئی ونڄے ،شرپسند ٹولے دے منتشر تھیندے ہی سٹاک ایکسچینج ھک لکھ پوائنٹس دی حد پار کرڳئی ۔وزیراعظم آکھیے جو ایں انتشار کھنڈاوݨ دی مذموم کوششاں دے نتیجے اچ ملک کوں ارباں روپے دا ضیان تھئے ،ملک کو?? معاشی ضیان دے ذمہ وار انتشاری ٹولہ اتے ایند کرتا دھرتا ہن۔وزیراعظم آکھیے انتشاری ٹولے اچ شرپسند عناصر دی وختی شناخت کرتے انھاں کوں قرار واقعی سزا ݙیوائی ونڄے ،انتشاری ٹولے دی لشکر کشی دے دوران اپݨے فرائض انجام ݙیندے جام شہادت نوش کرݨ آلے اہلکاراں کوں میں سودھے پوری قوم خراج عقیدت پیش کریندی اے ۔ وزیراعظم ہدایت کیتی جو اسلام آباد یا ملک دے کہیں وی شہر تے ذاتی مقصد گھنݨ سانڳے لشکر کشی روکݨ سانڳے جامع حکمت عملی بݨائی ونڄے ۔ وزیراعظم آکھیے حکومت نام نہاد پر امن دھرنے دے مسلح لوکاں کوں انتشار کھنڈاوݨ توں روکݨ اچ برداشت ݙکھائی اے ،اڳوں ایجھی کہیں وی صورت حال نال نبݨݨ سانڳے ھک جامع لائحہ عمل بݨا تے پیش کیتا ونڄے ۔ وزیراعظم آکھیے گزریل ݙینھاں دے واقعات اچ عوام اچ اشتعال، بے یقینی تے انتشار کھنڈاوݨ آلے عناصر کوں قانون دی کچاری اچ گھن آیا ونڄے ، بلوائیاں نال نبݨݨ سانڳے اسلام آباد تے پورے ملک اچ اینٹی روائٹس (Anti Riots) فورس بݨائی ونڄے ۔ وزیراعظم آکھیے فورس کوں بین الاقوامی طرز تے پیشہ ورانہ تربیت اتے ضر??ری سازوسامان نال لیس کیتا ونڄے ، سرکاری و نجی املاک کوں ضیان پڄاوݨ آلیں دے نال نال مسلح لوکاں دی نشاندہی کرتے انھاں دے خلاف قانونی کارروائی عمل اچ گھن آئی ونڄے ۔ اجلاس اچ وفاقی وزراء احد خان چیمہ، عطاء اللہ تارڑ، مشیر رانا ثناء اللہ، اٹارنی جنرل اتے متعلقہ اعلی حکام شرکت کیتی
