اسلام آباد۔27نومبر(اے پی پی) وفاقی وزیر قانون و انصاف و انسانی حقوق سینیٹر اعظم نذیر تارڑ د??حہ اچ منعقدہ اسلامی تعاون تنظیم (او آئی سی ) دے انسداد بدعنوانی قانون نافذ کرݨ آلے اداریں دی ݙوجھی وزارتی کانفرنس دے موقع تے ریاست قطر دے وزیر انصاف اتے کابینہ امور دے وزیر مملکت ابراہیم بن علی نال ݙو پاسے ملاقات کیتی اے ۔ وزارت قانون توں جاری اعلامیہ موجب ملاقات اچ ݙوہیں وزراء قانونی اتے عدالتی اصلاحات، بدعنوانی مکاوݨ تے قانون دی حکمرانی دے ودھارے دے شعبیں اچ ݙو پاسے تعاون ودھاوݨ دے مختلف پہلواں تے ڳالھ مہاڑ کیتی ۔ انھاں قانون نافذ کرݨ اچ بہترین طریقے دے تبادلے اتے قانونی شعبیں اچ علم و مہارت دی شراکت سانڳے تعاون کوں مزید تکڑا کرݨ دی اہمیت تے زورر ݙتا ۔ ایں موقع تے علاقائی اتے عالمی سطح تے بدعنوانی مکاوݨ تے شفافیت دے ودھارے سانڳے مشترکہ عزم دا اظہار وی کیتا ڳئے ۔ ݙوہیں وزراء اسلامی تعاون تنظیم دے دائرہ کار اچ کثیر الجہتی تعاون دی ودھدی اہمیت کوں منیا تے سانجھے مقصد گھنݨ سانڳے رل?? کم کرݨ دا عزم کیتے ۔ واضح رہے جو وفاقی وزیر قانون و انصاف سینیٹر اعظم نذیر تارڑ د??حہ اچ 26 اتے 27 نومبر 2024 کوں منعقدہ اسلامی تعاون تنظیم دے انسداد بدعنوانی قانون نافذ کرݨ آلے اداریں دی ݙوجھی وزارتی کانفرنس اچ پاکستان دے وفد دی قیادت کریندے پئن۔
