اسلام آباد۔26نومبر (اے پی پی) پاکستان اتے بیلاروس دا دوستانہ تعلقات کوں ٻیا ودھاوݨ کیتے آپ??ی عزم، شنگھائی تعاون تنظیم اچ تعاون کوں ٻیا ودھاوݨ کیتے رَل تے کم کرݨ تے اتفاق کیتے جڈانجو فریقین سارے بین الاقوامی تنازعیاں کوں پر امن طریقیاں نا?? اتے اقوام متحدہ دے چارٹر اتے سلامتی کونسل دی قرارداداں دے مطابق حل کرݨ دی لوڑھ تے زو?? ݙتے۔ منگل کوں پاکستان اتے بیلاروس دے سانجھے بیان اچ آکھیا ڳئے جو وزیراعظم محمد شہباز شریف دی دعوت تے جمہوریہ بیلاروس دے صدر الیگزینڈر لوکاشینکو پاکستان دا سرکاری دورہ کیتے۔ دورے اچ ݙوہیں رہنماواں ݙوپاسہ تعلقات دا جائزہ ڳھدے اتے سیاسی، تجارتی، اقتصادی، ثقافتی، سماجی اتے ٻئے شعبیاں اچ ݙوہیں ملکاں وچال تعاون ودھاوݨ دا عزم کیتا۔ منگل کوں پاکستان اتے بیلاروس دے سانجھے بیان اچ آکھیا ڳئیا جو ایں سال پاکستان اتے بیلاروس وچال سفارتی تعلقات دے 30 سال پورے تھی ڳئے۔ فریقین منیا جو ݙوہیں ملکاں دے تعلقات ہک پائیدار، وسیع اتے ودھدی اہمیت کوں پروان چڑھیندن۔ پاکستان بیلاروس کوں شنگھائی تعاون تنظیم اچ مکمل رکنیت تے مبارخ ݙتی۔ بیلاروس ایں بارے پاکستان دی حمایت کوں نوٹ کیتے۔ وزیراعظم ایں سال اکتوبر اچ پاکستان دی میزبانی اچ تھیوݨ آلی ایس سی او کونسل آف ہیڈز آف گورنمنٹ دے اجلاس اچ بیلاروس دے وزیر اعظم دی فعال شرکت دی تعریف کیتی۔ بیلاروس دی جدید زرعی پیداواری صلاحیتاں اتے پاکستان دی زراعت دی معیشت کوں منیندیں ہوئیں فریقین زراعت اتے صنعتی شعبیاں اچ سانجھے منصوبیاں کیتے اتفاق کیتا۔ ݙوہیں فریقیاں پاکستان دے مختلف شہراں اچ پاکستانی نجی اتے عوامی تنظیماں نا?? سانجھ نا?? بیلاروسی زرعی مشینری دی فروخت اتے خدمات دے نیٹ ورک کوں ودھاوݨ اچ تعاون تے اتفاق کیتا۔ ا دورے اچ ٹریڈ ڈویلپمنٹ اتھارٹی آف پاکستان اتے فیڈریشن آف پاکستان چیمبرز آف کامرس اینڈ انڈسٹری بیلارو??ی چیمبر آف کامرس اینڈ انڈسٹری دے تعاون نا?? بیلاروس-پاکستان بزنس فورم کرایا۔ جاری سانجھے بیان دے مطابق فریقین تجارتی رابطے ودھاوݨ کیتے نیشنل لاجسٹک کارپوریشن اتے بیلٹا موزی سروس وچال مفاہمت نا??ے تے دستخط دا خیر مقدم کیتا۔ سائنس اتے ٹیکنالوجی اچ تعاون ودھاوݨ دے صلاحیت کوں تسلیم کریندیں ہوئیں فریقین سائنسی برادریاں وچال مضبوط تعلقات قائم کرݨ تے اتفاق کیتا۔ دورے اچ بہتر تعاون کوں باضابطہ شکل اتے ودھاوݨ کیتے ایں بارے ݙو معاہدیاں تے دستخط کیتے ئے۔ فریقین دوائیں دی مصنوعات، طبی آلات، صحت بارے شئیں اتے زائد المیعاد مصنوعات اچ تجارت کوں ودھاوݨ دی اہمیت تے زو?? ݙتا۔ فریقین ترقی اتے تعاون کوں ودھیندیں ہوئیں قومی ضابطیاں دی تعمیل یقینی ٻݨیندیں ہوئیں انہاں شعبیاں کیتے آپسی مارکیٹ تئیں رسائی کوں ودھاوݨ آلی پالیسیاں کوں ڳولݨ کیتے پرعزم ہن۔ ݙوہیں ملکاں تعلیمی تعاون کوں ودھاوݨ، طلباء دے تبادلے اچ سہولتاں ݙیوݨ اتے ݙوہیں ملکاں دی یونیورسٹیاں وچال سانجھے تحقیقی منصوبیاں دی حمایت دا عہد کیتا۔ دورے اچ فریقین پندراں اہم معاہدے اتے ایم اویوز تے دستخط کیتے جئیں اچ ”اسلامی جمہوریہ پاکستان اتے جمہوریہ بیلاروس وچال 2025-2027 دی مدت کیتے جامع تعاون دا روڈ میپ“ وی شامل اے۔ سانجھے بیان موجب توقع اے جو انہاں انتظامات نا?? آپسی فیدہ مند دوستی دے اصولاں تے مبنی ݙوپاسہ تعلقات دی مسلسل ترقی دے نویں امکانات کھلسن۔ فریقین سارے بین الاقوامی تنازعیاں کوں پر امن طریقے نا?? اتے اقوام متحدہ دے چارٹر اتے سلامتی کونسل دی قرارداداں دے مطابق حل کرݨ دی لوڑھ تے زو?? ݙتا۔ انہاں خطے اچ دیر پار ان اتے استحکام کوں ودھاوݨ کیتے حمایت دی عزم کیتا۔ صدر الیگزینڈر لوکاشینکو وزیر اعظم محمد شہباز شریف اتے پاکستانی عوام دا گرمجوشی نا?? مزمان نوازی تے شکریہ ادا کیتا اتے وزیراعظم کوں مناسب ویلھے تے بیلاروس دے دورے دی دعوت ݙتی جئیں کوں وزیراعظم قبول کر ڳھدا۔
پاکستان اتے بیلاروس دا دوستانہ تعلقات کوں ٻیا ودھاوݨ کیتے آپسی عزم، شنگھائی تعاون تنظیم اچ تعاون کوں ٻیا ودھاوݨ کیتے رَل تے کم کرݨ تے اتفاق
مضمون کا ماخذ : کڑک
متعلقہ مضامین
