مشرق وسطیٰ اچ امن دے قیام دے بغیر دنیا اچ امن ممکن کائنی، علاقائی تعاون اتے ڈیجیٹل اکانومی ویلھے دی اہم لوڑھ ہن، وفاقی وزیر اطلاعات عطاءاللہ تارڑ دا میڈیا ورکشاپ توں خطاب

اسلام آباد۔10اکتوبر(اے پی پی) وفاقی وزیر اطلاعات، نشریات، قومی ورثہ و ثقافت عطاءاللہ تارڑ آکھیے مشرق وسطیٰ اچ امن دے قیام دے بغیر دنیا اچ امن ممکن کائنی، دنیا اچ قیام امن مہذب ملکاں دی ذمہ واری اے ، علاقائی تعاون تے ڈیجیٹل اکانومی ویلھے دی اہم لوڑھ ہن ، جݙاں تئیں اکانومی دی ڈیجیٹل?رائی_کی_خوش_قسمتی۔/117401.html">?ئز??شن آلے پاسے نہ ودھسوں اساں ترقی دی بھج دھرک اچ پچھوں رہ ویسوں ۔ اے ڳالھ انھاں انسٹیٹیوٹ آف سٹریٹجک سٹڈیز اچ چائنہ میڈیا گروپ دے اہتمام نال ایس سی او دے حوالے نال میڈیا ورکشاپ توں خطاب اچ آکھی ۔ وفاقی وزیر اطلاعات ایس سی او کانفرنس د?? انعقاد توں پہلے چائنہ میڈیا گروپ دی طرفوں میڈیا ورکشاپ کراوݨ کوں چنڳاں قرار ݙیندے آکھیے شنگھائی فائیو توں شروع تھیوݨ آلی ایس سی او اچ گزریل سال بیلاروس دی شمولیت نال ایندے مستقل ارکان دی تعداد 10 تھی ڳئی اے جیں طریقے نال ایں فورم اچ علاقائی مسئلیں تے توجہ ݙتی ویندی پئی اے ، قابل ستائش اے۔ انہاں آکھیے پاکستان اچ شنگھائی تعاون تنظیم دے سربراہ اجلاس دا انعقاد ھک ایجھے ویلھے تھیندا پئے جݙاں ساݙی معیشت ترقی کریندی پئی اے ، م??یشت دے حوالے نال ہر ݙینھ چنڳیاں خبراں آندیاں پئن معاشی ترقی دے ثمرات عوام تئیں پڄݨ شروع تھی ڳئن ، انھاں آکھیے ایس سی او دے پاکستان اچ انعقاد توں پاکستان دے تشخص اتے روشن مستقبل کوں تقویت ملسی ۔ وفاقی وزیر اطلاعات آکھیے آستانہ اچ گزریل ایس سی او دے موقع تے کجھ اہم معاہدیں تے اساں دستخط کیتے ایں حوالے نال علاقائی تعاون اچ انسداد دہشت گردی اتے تشدد دے خاتمے کوں زیادہ اہمیت حاصل اے۔ انہاں آکھیے گزریل کجھ ݙھاکیں دے دوران پاکستان انسداد دہشت گردی دی ٻہوں بھاری قیمت ݙتی اے ۔ انسداد دہشت گردی دیاں کوششاں اچ ساݙے 80 ہزار لوک شہید تھئن ، اے قربانی صرف پاکستان سانڳے نی بلکہ دنیا اچ امن سانڳے ݙتی ڳئی دنیا اچ امن دے قیام تے دہشت گردی مکاوݨ سانڳے پاکستان باری قیمت ادا کیتی انسداد دہشت گردی دیاں کوششاں توں خطے اچ امن کوں ودھارا ملسی ۔ موسمیاتی تبدیلی دے ضیان دا ذکر کریندے وفاقی وزیر اطلاعات آکھیے مالیاتی انضمام اتے معاشی استحکام اچ ٻہوں معاملات موسمیاتی تبدیلی نال جڑیے پ??ن اساکوں پائیدار ترقی دے رستے اچ موسمیاتی تبدیلی دا ساریں توں وݙا چیلنج درپیش اے، اساں اقوام متحدہ سودھے ہر فورم تے ایں مسئلے کوں چاتے ، پاکستان دا زہریلی گیساں دے اخراج اچ حصہ ھک فیصد توں وی گھٹ اے تے موسمیاتی تبدیلی دے ضیان دا ساریں توں ودھ خمیازہ پاکستان کوں بھوڳݨا پوندے ۔ موسمیاتی تبدیلی نال نبݨݨ سانڳے علاقائی تعاون دی اہمیت تے زور ݙیند?? انھاں آکھیے ٻئے ملک موسمیاتی تبدیلی سانڳے آپݨا کردار نبھاون ، انہاں آکھیے ایس سی او سربراہ کانفرنس دے ایجنڈے تے جتھاں انسداد دہشت گردی اتے علاقائی سلامتی دے ایشوز تے ڳالھ تھیسی اتھاں موسمیاتی تبدیلی دے ایجنڈے تے وی غور تھیسی ایں ویلھے ساݙی ترقی کوں ساریں توں ودھ متاثر کرݨ آلا مسئلہ موسمیاتی تبدیلی اے۔ حکومت دا موسمیاتی تبدیلیتے وݙا فوکس اے ۔ عالمی امن تے ڳالھ کریندے وفاقی وزیر اطلاعات آکھیے اساں ہمیشہ ایس سی او دے پلیٹ فارم تے عالمی امن دی ڳالھ کیتی ، آستانہ اچ ایس سی او دے گزریل اجلاس اچ اساں فلسطین دے مسئلے تے زور ݙتا ہئی تے آپݨا موقف پیش کیتے مشرق وسطیٰ اچ قیام امن دے بغیر دنیا اچ امن ممکن کائنی دنیا اچ قیام امن مہذب ملکاں دی ذمہ واری اے ۔ مشرق وسطیٰ اچ جے صورتحال ایہا رہی تاں دنیا کوں ایندا ضیان تھیسی دنیا کوں اے منݨا ہوسی جو فلسطین اچ باقاعدہ منصوبہ بندی دے تحت نہتے فلسطینیاں دی نسل کشی کیتی ویندی پئی اے ، اسرائیل جنگی جرائم دا مرتکب تھیندا پئے ، جنگ دی آڑ اچ شہری آبادیاں، ہسپتالاں، ٻال تے تریمتاں کوں وائٹ فاسفورس، بیلسٹک میزائلاں نال نشانہ بݨایا ویندا پئے اے کیڑھے جنگی اصول ہن جیں دے تحت اسرائیل وائٹ فاسفورس اتے ممنوعہ اسلحہ استعمال کر تے فلسطینیاں دی نسل کشی کریندا پئے ؟ فلسطین اچ ھک آٹسٹک ٻال کوں وی نشانہ بݨایا ڳئے ایں ٻال دا کیا قصور ہئی ؟ اوں کیویں اسرائیل دی سیکورٹی کوں متاثر کیتا ہئی ؟ وفاقی وزیر اطلاعات آکھیے پاکستان ایس سی او دا رکن ملک ہووݨ دے طور تے آپݨی ذمہ واری سمجھدے ہوئیں اے نکتے اجاگر کیتن جو فلسطین اچ نسل کشی کیتی ویندی پئی اے تے اسرائیل جنگی جرائم دا مرتکب تھیندا پئے ، اسرائیل دا احتساب تھیوݨا چاہیدے ۔ وفاقی وزیر اطلاعات آکھیے جݙاں اساں امن تے سلامتی دی ڳالھ کریندوں تاں کیا اے ممکن ہے جو اساں کجھ پرے نسل کشی دی مہم چلدی پئی ہووے ، جنگی جرائم تھیندے پئے ہوون ت?? انھاں جنگی جرائم اچ ملوث ملک دا احتساب وی نہ تھیوے تے امن قائم تھی ونڄے ؟ اے ٻہوں وݙا ایشو اے جیں کوں حل تھیوݨا چاہیدے ۔ اساں ایس سی او تے اقوام متحدہ دے فورمز تے فلسطین دے معاملے تے موثر اتے زوردار آواز چاتی اے ۔ فلسطین دے معاملے تے ساݙا واضح موقف اے، اساں 1967ءتوں پہلے دی فلسطینی سرحداں کوں منیندوں جیں دا دارالخلافہ القدس الشریف ہووے ۔ وفاقی وزیر اطلاعات آکھیے پاکستان دے معاشی اشاریئے بہتر تھئن ، پاکستان اچ تجارت تے سرمایہ کاری اچ ودھارا تھئے ۔ پاکستان دا ھک سٹریٹجک محل وقوع اے جیڑھا اساکوں آپمے ہمسایہ ملکاں، علاقائی پارٹنرز اتے مشرق وسطیٰ نال تجارت دا موقع ݙیندے اساں کنے کراچی تے گوادر دیاں بندرگاہواں موجود ہن، زمینی رستے ہن، جتھاں اساں ٻئے ایشو دی ڳالھ کریندوں اتھاں ٻہوں اہم اے جو اساں رکن ملکاں وچال سرمایہ کاری، تجارت اتے علاقائی تعاون ودھاوݨ سانڳے زیادہ مالیاتی انضمام تے معاشی تعاون تے زورݙیوں ۔ پاکستان کوں اڄوکے مالی سال دی پہلی سہ ماہی اچ 8.8 ارب ڈالر ترسیلات موصول تھئن جیڑھا ھک ریکارڈ اے ، ساݙی ترسیلات اچ اتنا ودھارا پہلے کݙاہیں نی تھیا ساݙا آئی ایم ایف پروگرام 7 ارب ڈالر دا اے اتے ترائے مہینے دی ترسیلات 8.8 ارب ڈالر ہن۔ وفاقی وزیر آکھیے چین، سعودی عرب تے  متحدہ عرب امارات آئی ایم ایف پروگرام اچ اہم کردار نبھائے ، م??لیاتی انضمام، م??اشی تعاون اتے تجارت و سرمایہ کاری ودھاوݨ دی لوڑھ اے پاکستان دی 68 فیصد آبادی نینگراں دی ہے ،اساں کنے دنیا دی ݙوجھے وݙی تعداد فری لانسرز دی اے۔ ساݙا ٹیکنالوجی دا شعبہ اڳوں ودھدا پئے ۔ وفاقی وزیر اطلاعات آکھیے اڳوں ودھݨ سانڳے علاقائی تعاون تے ڈیجیٹل اکانومی ضروری اے،۔ ایجھے ملک جیڑھے ڈیجیٹل ڈومین اچ زیادہ مہارت رکھیندن اساں انہاں نال زیادہ اشتراک کرسڳدوں ، سنگل یونیفائیڈ نظام یعنی ڈیجیٹل سپیس سارے ملکاں کوں میسر ہووݨی چاہیدی اے تے ڈیجیٹل اکانومی دا ایجھا پلیٹ فارم گھن آوݨ دی لوڑھ جیں توں سارے ملک فیدہ چاسڳن ، پاکستان اچ بے پناہ موقع موجود ہن، ساݙی ترسیلات زر ودھ ڳئن ، ترقی یافتہ ملکاں دے مقابلے اچ ساݙا پالیسی ریٹ تلے ڳئے ، ساݙی آئی ٹی ایکسپورٹس 3.2 بلین ڈالر تے ہن ، م??موعی برآمدات اچ 14 فیصد ودھارا تھئے ، م??اشی اشاریئے چنڳے تھیندے پ??ن اے ساریاں چیزاں علاقائی تعاون دے بغیر ممکن نہ ہن دوست ملکاں دے تعاون تے معاہدیں دے بغیر تجارت اتے سرمایہ کاری اچ ودھارا نی تھی سڳدا ۔ بہتر تے روشن مستقبل سانڳے ضروری اے اساں ڈیجیٹل اکانومی دے پاسے ودھوں ، ایس سی او دے نال ساݙا روشن مستقبل جڑیا ہویا اے اینکوں مزید مستحکم بݨاوݨ دی لوڑھ اے ۔ ھک ذمہ وار ملک دی حیثیت نال آپݨا کردار جاری رکھیسوں ، ثقافتی اتے عوامی سطح تے تبادلے ضروری ہن، اساکوں آپݨے کلچر کوں ودھارا ݙیوݨ دی لوڑھ اے ، ان شاءاللہ خطے دے عوام سانڳے خوشحالی گھن آسوں