اسلام ??باد۔20ستمبر (اے پی پی) وزیراعظم محمد شہبازشریف ایف بی آر دے انفورسمنٹ نظام کوں ٻیا فعال ٻݨاوݨ بارے جامع حکمت ٻݨاوݨ دی ہدایت کریندیں ہوئیں آکھیا جو ایف بی آر ملکی معیشت اچ ریڑھ دی ہڈی دی حیثیت رکھیندے۔ نجی شعبے دا فروغ حکومت دی ترجیح اے۔ فعال اتے خوشحال نجی شعبہ ملکی معیشت کیتے ٻہوں ضروری اے۔ جمعے کوں وزیراعظم آفس دے میڈیا ونگ توں جاری بیان موجب اے ڳالھیں وزیراعظم فیڈرل بورڈ آف ریونیو دے معاملیاں بارے اہم اجلاس دی صدارت کریندیں ہوئیں آکھی۔ اجلاس اچ وفاقی وزیر منصوبہ بندی احسن اقبال ، وفاقی وزیر قانون و انصاف اعظم نذیر تارڑ ، وفاقی وزیر اقتصادی امور احد خان چیمہ ، وفاقی وزیر خزانہ و محصولات محمد اورنگزیب ، وفاقی وزیر سرمایہ کاری و نجکاری ??بد العلیم خان ، وفاقی وزیر پٹرولیم مصدق ملک ، وزیر مملکت برائے خزانہ و محصولات علی پرویز ملک ، وزیراعظم دے کوآرڈینیٹر رانا احسان افضل ، اٹارنی جنرل منصور اعوان ، گورنر سٹیٹ بینک جمیل احمد ، چیئرمین فیڈرل بورڈ آف ریونیو راشد محمود لنگڑیال اتے ٻ??ے اعلیٰ سرکاری افسر شریک تھیے۔ اجلاس اچ ایف بی آر دے ٹیکس وصولی دے انتظام ??ارے ایف بی آر دے ہوم گرون ٹرانفارمیشن پلان دی اصولی منظوری ݙے ݙتی ڳئی۔ وزیراعظم اجلاس توں خطاب کریندیں ہوئیں آکھیا جو ایف بی آر ملکی معیشت اچ ریڑھ دی ہڈی دی حیثیت رکھیندے۔ نجی شعبے دا فروغ حکومت دی ترجیح اے۔ فعال اتے خوشحال نجی شعبہ ملکی معیشت کیتے ٻہوں ضروری اے۔ وزیراعظم آکھیا جو ایف بی آر دا انفورسمنٹ نظام ??ہتر ٻݨاوݨ ویلھے دی اہم لوڑھ اے۔ وزیراعظم ایف بی آر ٹرانفارمیشن پلان بارے سارے سٹیک ہولڈرز نال ٻئے مشورے اتے ایف بی آر کوں انہاں تجویزاں تے عملدرآمد کتیے متعلقہ سرکاری محکمیاں نال رَل تے تفصیلی تبادلیاں دی منظوری حاصل کرݨ دی ہدایات کیتی۔ نجی شعبے دی اہمیت کوں اجاگر کریندیں ہوئیں وزیراعظم آکھیا جو نجی شعبہ دا فروغ حکومت دی ترجیح اے۔ وزیراعظم ایف بی آر دے سارے منصوبیاں دا تھرڈ پارٹی آڈٹ کراوݨ دی تاکید اتے سمگلنگ روکݨ بارے اقدامات تیز کرݨ دی ہدایت کیتی۔ اجلاس دے شرکا کوں ایف بی آر ٹرانفارمیشن پلان تے تفصیلی بریفنگ ݙتی ڳئی۔ بریفنگ اچ ݙسیا ڳعیا جو ایف بی آر پلان اچ انفارمیشن ٹیکنالو??ی دا موثر استعمال ، ٹیکس وصولی کوں بہتر ٻݨاوݨ کیتے ایمانداری نال کارکردگی ݙکھاوݨ آلے ا??سر??ں اتے عملے دی حوصلہ افزائی اتی ٹیکس قوانین دے نفاذ کوں بہتر ٻݨاوݨ بارے جامع حکمت عملی شامل اے۔ اے پروگرام ??یف بی آر دے ا??سر??ں اتے ماہرین چیئرمین ایف بی آر نال رَل تے گزریل چالھی ݙینھ اچ ٻݨائے۔ اجلاس کوں ݙسیا ڳئیا جو ایں پروگرام نال معاشری ترقی دا پندھ روکیے بغیر بہتر انداز اچ ودھ ٹیکس کٹھا کیتا ویسی اتے ہر طبقے اچوں پورا ٹیکس ݙیوݨ آلے لوکاں کوں ٻئی سوکھ ݙتی ویسی۔ اجلاس اچ ایف بی آر دے ٹیکس وصولی دے انتظام ??ارے ایف بی آر دے ہوم گرون ٹرانفارمیشن پلان دی اصولی منظوری ݙے ݙتی۔ اے پلان وزیراعظم دی ہدایت تے ایف بی آر ملک دے ٻ??ے معاشی اتے ٹیکنالوجی ماہرین نال رل تے گزریل پنجوی سالیں دی ٹیکس وصولی دا تفصیلی جائزہ دے بعد ٻݨایا ڳئے۔ ایف بی آر ٹرانفارمیشن پلان دے تحت ایف بی آردی آڈٹنگ دی استعداد ودھائی ویسی۔ پہلے مرحلے اچ ملک کوں 32 فیصد ٹیکس ریونیو ݙیوݨ آلے لارج ٹیکس پیئرز یونٹ ،کراچی اچ چنڳی کارکردگی اتے دیانت دار ا??سر??ں دے تعیناتی کوں یقینی ٻݨایا ویسی اتے انہاں کوں آپݨا کم کرݨ کیتے آڈیٹرز اتے ماہرین دی خدمات حاصل ہوسن۔ اجلاس کوں ݙسیا ڳئیا جو ایف بی آر ا??سر??ں کوں کامن ٹریننگ اتے سپیشلائزڈ ٹریننگ پروگرامز دے بعد ملک دی بہترین یونیورسٹیاں توں پروفیشنل ڈگری پروگرام پورا کرݨا پوسی۔ اجلاس کوں ݙسیا ڳئیا جو کسٹم ڈیوٹی دی چوری روکݨ کیتے اپریزمننٹ اتے انفورسمنٹ دا ایجھا پروگرام ٻݨایا ڳئے جئیں دے نتیجے اچ اپریزر اتے انسپکٹر کوں پہلے توں آپݨٰی اسائنمنٹ دا پتہ کائنا ہوسی اتے کم وچال انہاں دی کیمریاں نال نگرانی کیتی ویسی۔ کسٹمز انسپکٹرز کوں چنڳی کارکردگی تے پذیرائی اتے تاخیری حربے اتے بے ایمانی تے سخت سزا ݙتی ویسی۔ اجلاس کوں ݙسیا ڳئیا جو سمگلنگ کوں روکݨ کیتے ایف ڈبلیو او دا تعاون نال نویں چیک پوسٹاں ٻݨاوݨ دا فیصلہ کیتا ڳئے۔
وزیراعظم دی ایف بی آر دے انفورسمنٹ نظام کوں ٻیا فعال ٻݨاوݨ کیتے جامع حکمت عملی ٻݨاوݨ دی ہدایت، ادارے دے ٹرانفارمیشن پلان دی اصولی منطوری ݙے ݙتی ڳئی
مضمون کا ماخذ : sorteos میگا سینا
متعلقہ مضامین
