اسلام آباد۔2نومبر(اے پی پی):وفاقی وزیر منصوبہ بندی، ترقی و اصلاحات و خصوصی اقدامات پروفیسر احسن اقبال آکھیے ملک دی ترقی کوں اولین ترجیح ݙتی ونڄے تے سول سروس اچ جدت گھن آئی ونڄے ،ہر سرکاری افسر اپݨی جاہ تے محنت کریندا پئے ، لیکن نظام کوں جدید خطوط تے ٹو??ݨ دی لوڑھ اے ۔پلاننگ کمیشن توں جاری بیان موجب 36ویں سینئر مینجمنٹ کورس دے افسراں توں خطاب کریندے انھاں آکھیے حکومت “5 ایز فریم ورک” دے تحت برآمدات ودھاوݨ سانڳے کم کریندی پئی اے ۔ احسن اقبال ایں ڳالھ تے زور ݙتے جو ہر سرکاری افسر اپݨی جاہ محنت کریندا پئے ، لیکن نظام کوں جدید خطوط تے ٹو??ݨ دی لوڑھ اے ۔ انھاں موٹر ویز اتے میٹرو بس کوں کہی?? وی ملک دے بنیادی انفراسٹرکچر دا لازمی حصہ قرار ݙتے تے آکھیے ترقی یافتہ ملک کنیکٹیویٹی تے سمجھوتہ نئیں کریندے ، انھاں پاکستان دی معیشت تے ڳالھ کریندے آکھیے 77 سالاں اچ ترقی نہ تھیوݨ پاروں برآمدات تے مبنی اکانومی دا فقدان اے، جیں دے نتیجے اچ برآمدات دی کمی اتے درآمدات دی تکھے اقتصادی توازن متاثر تھیندے ۔ انھاں ݙسائے ترقیاتی بجٹ گھٹ تھی تے 4 فیصد رہ ڳئے تے ای?? ویلھے حکومتی ترجیحات اچ حیدرآباد سکھر موٹر وے شامل اے۔ ترقیاتی منصوبیں اچ ہݨ پبلک پرائیویٹ پارٹنرشپ کو?? وی ودھارا ݙتا ویندا پئے ، معاشی ترقی سانڳے سیاسی استحکام دا ہووݨ ضروری اے، معاشی ترقی اتے سیاسی استحکام دا آپت اچ گھاٹا تعلق اے جݙاں ملک اچ سیاسی استحکام ہوندے تااں سرمایہ کاراں اتے کاروباری لوکاں دا اعتماد ودھ ویندے جیڑھا جو معیشت کوں تکڑا کرݨ سانڳے لازمی اے سیاسی استحکام دے بغیر، حکومتی پالیسیاں اتے ترقیاتی منصوبے اکثر تاخیر دا شکار تھی ویندن یا عدم تسلسل دا شکار تھی ویندن جیں دے نتیجے اچ ملک دی ترقی متاثر تھیندی اے ۔ مستحکم سیاسی ماحول نہ صرف ملکی بلکہ بین الاقوامی سرمایہ کاری کو?? وی ودھارا ݙیندے جیں توں روزگار دے موقع بݨدن تے معیشت ترقی ک??یندی اے
