کراچی۔27مارچ (اے پی پی):صدر ??ملکت ڈاکٹر عارف علوی آکھیے جو مواصلات دا فن تریمتاں کوں بااختیار بݨاوݨ تے ترقی دی رستے ٹورݨ کیتے ناگزیر اے۔ اے ڳالھ انہاں اتوار کوں اتھاں آئی بی اے سٹی کیمپس اچ ترقیاتی مباحثیں تے تنقیدی موضوعات تے ݙوجھی سالانہ کانفرنس دی اختتامی تقریب توں خطاب کریندے ہوئیں آکھی اے ۔ صدر ??ملکت آکھیے جو موثر ابلاغ ترقی اچ اہم کردار ادا کریندے ۔انہاں آکھیے جو کجھ لوک مواصلات دی ہنر تے پورا نی لہندے ، انہاں آکھیے اساکوں آپمے مقاصد دے حصول کیتے انہاں ٹولز کوں سکھݨا ہوسی ، انہاں مزید آکھیے جو خوراک دی پیداوار اتے صحت دے نظام کوں بہتر بݨاوݨ کیتے ٹولز دستیاب ہن۔ صدر ??ملکت آکھیے جو اساݙے معاشرے اچ اے عام تاثر اے جو مولوی ملک اچ آبادی کوں کنٹرول کرݨ اچ رکاوٹ دا کردار ادا کر یندے پئن جیڑھا جو غلط اے۔ انہاں آکھیے جو مولوی ساݙی مدد کیتے حاضر ہن۔ صدر ??ملکت آکھیے جو مغرب اچ وی تریمتاں کوں مساوی حقوق نی ݙتے ویندے تریمتاں اچ ٹیلنٹ اے اتے او پاکستان اچ 70 توں 80 فیصد میرٹ تے میڈیکل کالجاں اچ داخلہ گھندن ۔
مواصلات دا فن تریمتاں کوں بااختیار بݨاوݨ تے ترقی دی رستے ٹورݨ کیتے ناگزیر اے۔ صدرمملکت دا آئی بی اے اچ تقریب توں خطاب
مضمون کا ماخذ : نمبروں دا میگا سینا
متعلقہ مضامین
