اسلام آباد۔6مارچ (اے پی پی):صدر مملکت ڈاکٹر عارف علوی پاکستان پوسٹ آفس ڈیپارٹمنٹ کوں ہدایت کیتی اے جو طبی بنیاداں تے ھک علیل ملازم دی ریٹائرمنٹ دے خصوصی میڈیکل بورڈ دی سفارشات کوں نظر انداز کرݨ تے آپݨے افسران دے افسوسناک رویے دی تحقیقات 1.5 ݙڈھ مہینے اچ مکمل کرتے وفاقی محتسب کوں ݙسایا ونڄے اتوار کوں جاری بیان موجب صدر مملکت ایں امر تے مایوسی دا اظہار کیتے ج?? محکمہ ھک مفلوج ملازم دی طبی حالت تے غور کرݨ اچ ناکام رہیا تے اینکوں طبی بنیاداں تے مدد ݙیوݨ دی بجائے قبل از وقت ریٹائرمنٹ دا انتخاب کرݨ کوں آکھیے ۔صدر مملکت پاکستان پوسٹ دے ایں جواب کوں مسترد ک??ݙتے جیں اچ وفاقی محتسب دے فیصلے دے خلاف موقف اختیار کیتا ??یا ہئی جو او میڈیکل بورڈ دی سفارشات دی روشنی اچ آپݨے ملازم دی شکایتاں دا ازالہ کرے کیس دی تفصیلات موجب شکاییت کنندہ عبدالقدوس الزام لاتا ہئی جو انہاں دے والد قادر بخش بھٹی اسسٹنٹ پوسٹ ماسٹر پنو عاقل اچ گریڈ 11 اچ خدمات سرانجام ݙیندےپئے ہن جو دوران سروس دماغی امراض دی وجہ توں فالج دا شکار تھی ڳئے ، جیں تے ھک خصوصی میڈیکل بورڈ تشکیل ݙتا ??یا ہئی جیں دے سارے ممبران 19 اگست 2020 کوں متفقہ طور تے سفارش کیتی ہئی جو قادر بخش بھٹی ا??ݨی بیماری اتے طبی حالت دی بنیاد تے آ??ݨی ملازمت جاری نی رکھ سڳدے تے طبی بنیاداں تے ریٹائر تھی سڳدن۔ میڈیکل بورڈ دی سفارشات تے عمل درآمد ک??ݨ دی بجائےپاکستان پوسٹ آفس ڈیپارٹمنٹ 22 فروری 2021 کوں آپݨے خط دے ذریعے ݙسیا جو مسٹر قادر بخش دی ریٹائرمنٹ اچ ترائے مہینے تے نو ݙینھ رہ ڳئن ، ایں کیتے او ویلھے توں پہلے ریٹائرمنٹ کیتے درخواست ݙے سڳدن ۔ شکایت کنندہ انصاف دے حصول کیتے وفاق محتسب نال رابطہ کیتا جیں پاکستان پوسٹ توں آپݨے میڈیکل بورڈ دی سفارشات تے عمل درآمد ک??ݨ کوں آکھیے ۔ تاں جو ادارے محتسب دے حکم دے خلاف صدر کنے ھک درخواست بھیجی ۔پاکستان پوسٹ آفس ڈیپارٹمنٹ دی درخواست کوں مسترد ک??یندے ہوئیں صدر آکھیے اے انتہائی بدقسمتی دی ڳالھ اے ج?? محکمہ ہمدردی دا مظاہرہ کرݨ دی بجائے ایں معاملے اچ ہٹ دھرمی اتے مزاحمت ݙکھائی تے آپݨے ہی میڈیکل بورڈ دی سفارشات تے عمل کرݨ اچ ناکام رہیا انہاں آکھیے جو پاکستان ھک ایجھا ملک ہووݨا چاہیدے جتھاں ہمدردی اتے قانون دی بالادستی ہووے۔
صدر عارف علوی دی پاکستان پوسٹ آفس ڈیپارٹمنٹ کوں خصوصی میڈیکل بورڈ دی سفارشات نظر انداز کرݨ، مفلوج ملازم کوں میڈیکل بنیاداں تے ریٹائر نہ کرݨ تے انکوائری دی ہدایت، ادارہ 45 ݙینھ اچ رپورٹ جمع کراوے، صدر مملکت دا فیصلہ
مضمون کا ماخذ : estatisticas para ganhar na loteria
متعلقہ مضامین
