لاہور۔13دسمبر (اے پی پی):وزیراعظم عمران خان ھک ݙینھ دے دورے تے لاہور پڄ ڳئن ، سنوار کوں وزیراعظم میڈیا آفس توں جاری بیان موجب وزیراعظم نال گورنر اتے وزیراعلیٰ پن??اب سودھے اہم سیاسی و انتظامی عہدیداران ملاقات کریسن۔ وزیراعظم کوں صوبے اچ جاری ترقیاتی منصوبیں تے بریفنگ وی ݙتی ویسی ۔ وزیراعظم پن??اب اچ نواں پاکستان صحت کارڈ پروگرام دا اجرا کریسن ۔ وزیراعظم دے فلاحی ریاست دے وژن اتے یونیورسل ہیلتھ انشورنس پروگرام دے تحت صوبہ خیبر پختونخوا دے بعد صوبہ پن??اب دی مکمل آبادی کوں علاج معالجے دیاں سہولتاں مفت ݙیوݨ کیتے پورے صوبے اچ ہر خاندان کوں نواں پاکستان صحت کارڈ ݙتا ویسی ۔ نواں پاکستان صحت کارڈ ت??ں ہر خاندان مجموعی طور تے 10 لکھ روپے تئیں علاج دیاں سہولتاں توں فیدہ چیسی ۔ علاج معالجے دیاں سہولتاں اچ کینسر، گردیں دی پیوندکاری، دائمی بیماریاں، تھیلیسیمیا، ذیابیطس دیاں پیچیدگیاں، امراضِ قلب، اعصابی نظام دی جراحی، اعضا دے ناکارہ تھیوݨ اتے حادثیں دی صورت اچ علاج وی شامل اے۔ وزیراعظم ایں موقع تے تقریب توں خطاب وی کریسن ۔
وزیراعظم عمران خان ھک ݙینھ دے دورے تے لاہور پڄ ڳئن
مضمون کا ماخذ : لاٹری ٹکٹ خریدیں
متعلقہ مضامین
