اسلام آباد 13 ستمبر (اے پي پي) د اطلاعات او خپرونو وفاقي وزير عطاء تارړ وئيلي دي چې د تحريك انصاف مؤسس چيئرمېن په سوشل ميډيا د دړكو د پوسټ د معاملې تحقيقات به اېف آئي اے كوي٬ د تحريك انصاف باني پخپل سوشل ميډيا پوسټ كښې پوځ او عدليه په نخښه كړي، د عمران خان نه به پوښتنه كېږي چې ستا په سوشل ميډيا اكاٶنټ جاري پوسټ د كوم ځايې نه راځي او دغه اكاٶنټ څوك چلوي؟۔ د جعمې په ورځ ميډيا سره په خبرو كښې وفاقي وزير ووئيل تحريك انصاف تل خبريالان په نښه كړي٬ په دوي ئې بريدونه كړي٬ د تحريك انصاف ټول ګوند له د علي امين ګنډا پور په بيان غېر مشروط معافي غوښتل پكار دي، علي امين ګنډا پور د يوې صوبې وزيراعلیٰ دے، د تحريك انصاف په دور كښې د رايې اختلاف ٬ خپل نظريات ساتل د يو ګوند نظريې څخه اختلاف كول جرم جوړ شوې ٶ۔ ده وئيل تحريك انتشار تل د خبريالانو په ضد ناسمه ژبه كارولې ، تحريك انصاف په سوشل ميډيا وړومبې خبريالان په نښه كړي۔ وفاقي وزير ووئيل تحريك انصاف خپل خلق لمسولي چې ھغوي د دوي په حق كښې خبره ونه كړي٬ په دوي تورونه ولګوئ٬ دا سلسله تر اوسه جاري ده، نن هم ياد دي چې په لاهور كښې ثناء مرزا په ډي اېس اېن جي وه او د تحريك انصاف كسانو دا تنګوله ٬ خبريالا صدف د دوي د كنټېنر د لاندې راتلو سره پحق رسېدلے، ښځينه خبريالانې دوي ځورولي، د دوي په ضد ئې ناوړه ژبه استعمال كړې۔ وفاقي وزير ووئيل علي امين ګنډا پور چې په سټېج د خبريالانو په ضد كومه ژبه استعمال كړې٬ انتهائي نامناسب ده٬ د تحريك انصاف ټول ګوند له علي امين ګنډا پور په بيان غېر مشروط معافي غوښتل پكار ده، علي امين ګنډا پور د يوې صوبې وزيراعليٰ دے، ايا ده سره دا ښه ښكاري چې ھغه مېرمنې او د پاكستان وسله والو ځواكونو په اړه ناوړه ژبه وكاروي كړي؟ ده ووئيل د تحريک انصاف مشران د پارلمان نه بهر نيولي شوي٬ د دوي وېډيو په رېكارډ موجود دي، دوي ته د ښځينه خبريالانو او د صوبې د وزيراعليٰ په ضد ناوړه ژبې په استعمال شرمندګي نه ده شوې او په خپله ګرفتارۍ چغې وهي د اطلاعاتو وفاقي وزير ووئيل د پي ټي آئي د مؤسس چيئرمېن سوچ په فسطائيت اډانه لري ٬ لېفټېننټ جنرل (ر) فیض حمید سره په ګډه هغه د مخالفې ډلې په هر يو لارښود كېس جوړ كړو٬ په دې پوهېږو چې د هغه پالېسي څه ده؟ دوئي زمونږ لارښود د درغو كېسونو كښې زندان كښې اچول او خوشحالي به كولې۔ ده ووئيل د پي ټي آئي د چيئرمېن لخوا په سوشل ميډيا پېغام جاري كړے شوے دے په كوم كښې چې هغه پوځ او عدليه په نخښه كړې ده۔ ده ووئيل دا په هېواد كښې اړې ګړې رامخې ته كول دي٬ دې يو وارې بيا خپله موازنه شېخ مجيب الرحمن سره كوي۔ وفاقی وزیر ووئيل اېف آئي اے د پي ټي آئي چيئرمېن د جاري شوي پوسټ پلټنې كوي٬ د دې تحقيق به كولې شي چې په سوشل ميډيا د پي ټي آئي د چيئرمېن اكاؤنټ څوك چلوي؟ ده ووئيل د پي ټي آئي چيئرمېن د هېواد سالميت حوالې سره يو وار بيا هڅه كړې ده كومه چې د غندنه وړ ده۔ ده ووئيل د پي ټي آئي چيئرمېن په داخله وزير تورونه ولګول حال دا دې چې هغه په زندان كښې ټولې آسانۍ لري۔ واکنګ ګېلري لري ٬ د كور نه خوراكونه راځي۔ وفاقی وزیر ووئيل په رياست د بريد اجازه به چاته وركولې نه شي۔ د اطلاعاتو وفاقي وزير ووئيل د آئي اېم اېف لوظنامه حتمي پراؤ ته ننوتلې ده۔ ګراني سنګل ډېجټ ته راغلې ده٬ برآمدات مخ په زياتېدو دي٬ معاشي اشاريې مثبت پلو روانې دي٬ كرنټ اكاؤنټ خساره مخ په كمېدو ده۔ د معيشت بهتري سره دوئي ته تكليف رسي ٬ دوئي د هېواد په ادارو هم بريدونه پېل كړي دي۔ دوئي به خپل عزم كښی چرې كامياب نه شي۔
د تحريك انصاف مؤسس پخپل سوشل ميډيا پوسټ كښې پوځ او عدليه په نخښه كړې٬ اېف آئي اے به د معاملې تحقيقات كوي٬ د عمران خان نه به پوښتنه كېږي چې ستا سوشل ميډيا اكاٶنټ څوك چلوي؟ د وفاقي وزير عطاء تارړ ميډيا سره خبرې
مضمون کا ماخذ : ایزٹیک گولڈ
متعلقہ مضامین
