اسلام آباد۔2 فروری (اے پی پی) په ګرد هېواد كښې د فرورۍ 5 مه نېټه د كشمير يو والي ورځې په توګه د لمانځلو تياريانې روانې دي۔ د كشمير ميډيا سروس له مخې په بېلو سركاري او نجي څانګو ٬ د زده كړو ادارو او ادبي او كلتوري تنظيمونو د كشميري اولس د خپلواكۍ حق ترلاسه كولو له روانې هڅې په ډاګه كولو له د كنفرنسونو ٬ لاريونونو ٬ سيمينارونو ٬ مباحثو او مقابلو اهتمام كړے دے۔ د ورځ په پېل به د كشمير شهيدانو له خصوصي دعاګانې كولې شي۔ د كشمير يو والې ورځې حوالې سره به د اعلی شخصياتو پېغامونه هم جاري كولې شي۔ الېکټرانک میډیا او د پبلیکېشنز څانګه به په انفارمېشن سروس اکېډمی كښې د فرورۍ په 3 مه نېټه د جمعې په ورځ د ډیجیټل فوټو ګرافۍ او پېنټنګ نندارتون كوي۔ نېشنل انسټی ټیوټ آف فوک اېنډ ټرېډیشنل هېرېټېج لوكه ورثه به د كشمير او ګلګت بلتستان چارو وزارت او وفاقي نظامت تعليم په مرسته د كشمير يو والي ورځې په موقعه 3 څخه تر 5 فروري درې وځنې كشمير كلچر فيسټول كوي۔ انسټی ٹیوټ آف سټرېټجک سټډیز اسلام آباد به په 03 فروری د كشمير يوالي ورځې په سرخط يو سيمينار كوي۔ پاکستان اکېډمی آف لېټرز به نېشنل هېرېټېج اېنډ کلچر ډویژن به د حلقه ارباب ذوق په مرسته په 03 فرورۍ د كشمير يووالې ورځې مشاعره كوي۔ شهید ذوالفقار علی بھټو انسټی ټیوټ آف سائنس اېنډ ټېکنالوجی به د دې ورځې حوالې سره په 7 مه فرورۍ يو سيمينار كوي په كوم كښې به چې د وزيراعظم د كشمير او ګلګت بلتستان چارو سلاكار د خاص مېلما په حېث ګډون كوي
د كشمير يو والي ورځ لمانځلو تياريانې زور او شور سره روانې دي
مضمون کا ماخذ : پرامڈ ادا کرتا ہے۔
متعلقہ مضامین
