اسلام آباد 29 مارچ (اے پي پي) اولس مشر ممنون حسېن وئيلي دي د پاك چین اقتصادي لارې جوړېدو نه پس به پاكستان او منطقه نړۍ سره بيا د سره وټرلې شي٬ سائنسمدار او انجينئران د سي پېك په كاميابۍ كښې مهم كردار ترسره كولې شي ٬ د پروژې فعالېدو نه پس به منطقې ته نوې ټېكنالوجي راشي او نوې كاروبار به پېل شي٬ د دې چېلنجونو مخنيوي له مونږ په لويه شمېره افرادي قوت ته اړتيا لرو ٬ بايد د پاکستان تعليمي ادارې د چين او نړۍ د نورو برخو علوم او فنونو ادارو سره شريكې منصوبې پېل كړي۔ اولس مشر ممنون حسېن دا خبرې د ” پاك چین اقتصادي لارې ، مواقعې او چیلنجونو” په سرخط سېمينار ته وېنا كښې وكړې ۔ په دې موقع د سائنس او ټېكنالوجۍ وفاقي وزير رانا تنویر حسېن، پاکستان كښې د چين سفیر سن دي ډونګ او نورو هم وېنا وكړه۔ اولس مشر ممنون حسېن ووئيل د سي پېك منصوبې پېل كېدو او د بشپړېدو نه پس به زمونږ هېواد او دا منطقه په زمكيزو٬ سمندري او فضائي ذريعو سره د ټولې نړۍ سره په نوې ډول وتړلې شي او د دې په نيتجه كښې به يوازې صنعت او تجارت نه بلكې د ټېكنالوجۍ په څانګه كښې هم يو داسې انقلاب راشي چې مثال به نه لري۔ اولس مشر ووئيل د مواصلاتو رابطو او د كاروباري موقعو څخه په زړه پورې ګټې له ضروري ده چې په بدلېدونكې وضعه كښې ذمه وارۍ ترسره كولو له مونږ هېواد كښې دننه سائنسمدار٬ انجينئران او په بېلو څانګو كښې پوهان پېدا كړو ٬ دې لپاره زمونږ انجينئرانو ته معلومات پكار دي چې سباٶن كښې به د كاروبار كوم صورتونه وي او دا نوې كاروبار به د كومو صنعتونو او ټېكنالوجۍ دې منطقې ته د منتقل كولو ذريعه وګرځي۔ ده ووئيل په دې موضوعاتو دې د اوس نه غور وكړې شي او بهر هېوادونو كښې په دې اړه پوهانو سره سره په خاص توګه د چين پوهانو او ادارو سره نزدې روابط وساتلې شي دغسې چې د وخت تېرېدو سره زمونږ ځوانان د دې چارو سنبهالولو له چمتو شي۔ اولس مشر ووئيل مونږ په دې مسئلو په بشپړه توګه قابو موندلې شو ولې دې سره دا خبره هم تر نظره دې وساتلې شي چې كوم لائحه عمل تجويز كړې شي او په ھغې كښې دومره لچك او ګنجائش خامخا پكار دے كوم چې د اقتصادي لارې د فعالېدو نه پس په رامخې ته كېدونكو حالاتو كښې زمونږ په كار راشي۔ ده ووئيل د وژنري سائنسمدار او انجينئر په حېث ستاسو دويمه مهمه ذمه واري دا ده چې د خپل عهد په سائنسي علومو او فنونو ستاسو لاس دومره بر شي چې د ھغې په مرسته د سباٶن سائنس او ټېكنالوجۍ ٬ په خاص توګه د سي پېك فعالېدو نه پس د معرفي كېدونكو ټېكنالوجو ٬ صنعتونو او كاربار له د مرستياله هرې معاملې ادراك د اوس نه وكړې شي او د دې مخنيوي له چمتوالې ونيولې شي ۔ اولس مشر هيله ولرله چې دا سيمينار به په دې لړ كښې يو قوي بنياد وركړي۔ ده ووئيل د ژوندو قامونو تعليمي ادارې د فعاله تهنك ټېنك حېثيت لري او ھغوي رياست ته پېښ چېلنجونه خپله وړومبنۍ ذمه واري ګڼي او په ھغې غور او فكر كولو سره د حكومت په وړاندې د تحقيق ٬ بحث او مباحثو نتيجې كېږدي۔ده هيله ولرله چې د خوږ هېواد د تعليمي ادارو تر سېوري لاندې به دا ډول هلې ځلې سباٶن كښې هم روانې وساتلې شي دغسې چې نه يوازې سي پېك بلكې هېواد ته په سباٶن كښې د رامخې ته كېدونكو نورو موقعو او چېنلجونو هم په كاميابۍ سره مقابله وكړې شي۔ په دې موقع وفاقي وزير رانا تنوير حسېن خپله وېنا كښې ووئيل پاكستان په تندۍ سره د پرمختګ په لور روان دے او سي پېك به په دې پرمختګ كښې مهم كردار تر سره كړي ۔ سېمينار ته پاكستان كښې د چين سفير سن وي ډونګ ووئيل د سي پېك پروژه دې منطقې له د “ون بېلټ ون روډ” د وژن عكاسي كوي او دې سره به پاكستان كښې سرمايه كاري او د منطقې ټولو هېوادونو سره روابط زيات شي او دا منطقه به پرمختګ وكړي
د پاك چین اقتصادي لارې جوړېدو نه پس به پاكستان او منطقه نړۍ سره وټرلې شي
مضمون کا ماخذ : bolão dupla sena
متعلقہ مضامین
